جـرووحـ قابــله للبووحـ ... وزحااليقـ ما تنتهيـ بالمرهـ

..☻ مرحبمبكـمـ ☻..

 
الرئيسيةالبوابةس .و .جبحـثالتسجيلدخول

شاطر | 
 

 ارجو من كل الاعضاء الدخوووول

اذهب الى الأسفل 
كاتب الموضوعرسالة
MeDoOo

avatar

ذكر الدلو الثعبان
عدد الرسائل : 185
العمر : 28
الموقع : ورا بيت جيراننا بالضبط
العمل/الترفيه : كل شئ
المزاج : رايق على طول
عدد النقاط :
0 / 1000 / 100

كم مره اتزحلقتــ : 100
تاريخ التسجيل : 19/05/2008

مُساهمةموضوع: ارجو من كل الاعضاء الدخوووول   الأربعاء أغسطس 27, 2008 4:19 am

هاي قروب

كيفكم

بدون مقدمات

انا عندي مواضيع كتيرة كان نفسي توصل لكل شباب وبنات جدة وشفت انو احسن طريقة
الايميلز والمنتديات


اوووول شي ابغا اتكلم
فيه وهادا الموضوع اللي طبعا مررررة ماحيعجب
الكتير هوا (( احنا ))
مجرد سؤال اسأله لنفسك (( هل انا مقتنع بنفسي ؟؟ - هل أنا كل شي بسويه
صح ؟؟ ))
** ملاحظة : معليش بس لو ( انت / انتي ) مقتنع بنفسك 100% مافي داعي
تكمل ...!!

خلوونا نتكلم بصراحة ونبعد شوية عن العبط <-- سوري على الكلمة (( بس
مافي داعي الواحد يكدب حتى على نفسوو ))

(( افتكر شي واحد بس انت بتقرا الايميل مع نفسك يعني مافي احد غريب
تنافق او تكدب قدامو فخليك صريح مع نفسك ))
مو شرط انو انا بقول الكلام دا يصير انا انساااان مابسوي ولا
شي من دا
بس انا بقول ليش انا كدا ؟؟ وانتوا كمان لازم
تقولو ليش احنا كداا ؟؟

أسئلة بيني وبينك :
1- علاقتك مع ربك ..

انا : انت تصلي ؟؟
انت : ايوة طبعا

انا : اكيد ؟
انت : الصراحة مو كل الفروض احيانا الفجر والظهر احيانا المغرب والعشاء
واحياناً لأ ولا فرض ...

ليش ؟؟؟؟؟؟؟ ترا والله ياجماعه شي يقهر ..
ممكن تقولي ليش مابتصلي ؟؟ ماعندك وقت ؟؟ خمسة دقايق حقت كل فرض حتخرب
يومك ؟؟؟
وفي ناس تقولك ( انسى ) باللهي بتنسى جوالك ؟؟ اصلا مصيبة دي لو كنت
طالع الجامعه او خارج وبعدت عن البيت حتلف وترجع
تاخد الجوال .. بس عمرك لفيت ورجعت عشان نسيت تصلي فرضك ؟؟
لاتلف ولا ترجع وقف عند اقرب مسجد . بلاش اكيد المكان اللي بتروحو تقدر
تصلي فيه بس
انت هل اول ماتوصل بتدور فين تصلي ؟؟
طبعا لا ليش ؟؟؟

ليش ماتحافظ على صلاتك ؟؟
والله والله والله لو كل 1 يحافظ على صلاته حتتغير فينا اشياء كتير
- ان الصلاة تنهى عن الفحشاء والمنكر ):-

2 - احنا في رمضان
تصوم ؟؟ طيب كم يوم فطرت ؟؟ طيب ليش فطرت ؟؟ عندك عذر شرعي ولا لا ؟؟
مريض ؟؟ مسافر ؟؟
شوية مايصومو مررررة .. وكتير يصومو بس صيام كيف ؟؟ ماناكل ولا نشرب بس
عادي نسمع اغاني وعادي نرقم وعادي نتكلم
وغيرو وغيرو وغيرو ؟؟ طيب بتصوم ليه ؟؟ ياخي بتتعب نفسك على الفاضي ..
في اشياء كتير استغربهااا .......

مثال :
يوم من ايام رمضان الساعه 2 الظهر :
فلان : فين رايح ؟؟
علان
: والله الجيرل الفرند حقتي تخلص دحين ورايح اشوفهاا
فلان : ليش ؟؟
علان : ليا يومين ماشفتها ومرررة زعلانة ..
ياخي ليش ؟؟؟؟؟؟ خايف على زعل الاخت ومنت خايف من غضب ربك ؟؟؟؟؟؟؟؟
ماتخاف في يوم فضيل زي دا ربنا يقبض روحك .. الناس صايمين وانت مديت

لا حول ولا قوة الا بالله
الله يهدينا جميعاً
أذكر الكلام موجه للبنات والاولاد ..
---------------------------------

3- نرجع لـ 11 شهر باقية من السنة ..
كل يوم ايش بنسوي ايش بنعمل ، ماني مطوع عشان اقول حرام الدشرة في
الاسواق واللفلفة في التحلية عشان انا بسوي كدا
وماحتفلسف واقولك اشغل نفسك بشي مفيد
بس نشووف ايش بيصير وانت احكم
كل يوم بتخرج التحلية لفة عند كل مول وطبعا لفتين عند البساتين وخمسة
عند التحلية سنتر نشوووف امكن بنت هنا ولا هنا
يعني نديها الرقم ولا اقلها تدخلنا التحلية سنتر نشوف رزقنا <----- قلك
اكل العيش

هادا غير الناس اللي تتلطع عند الابواااااب وانتو عارفين مافي داعي
اكتر كلااااام
بس انا عندي سؤال واحد بس بعد ماترقم وتفلهااا وتصير ماشالله اشهر ولد
في جدة وكل بنت تعرفك ؟؟

ايش حتستفيد ؟؟ شهرة صح ؟؟ طيب شهرة في ايش
يقولك ماشالله اشبك (( فلان الفلاني ادشر ولد في جدة )) والبنت

الفلانية ماشالله عليها الله يعطيها العافية (( كل تلوت
في البساتين وكل ربوع في التحلية سنتر والخميس في الدرة )) يعني لاتخاف
ازا ضيعت البنت دا الاسبوع حترقمها الاسبوع
الجاي ...

صح ولا انا غلطان ؟؟؟

انت او انتي ايش حتستفيد لما كل يوم تكون في التحلية ؟؟؟ نفكر بعقل
((((((( والله ولا شي ))))))))
بس اهوو بنضيع وقت ..

طيب نجي في الناس الاخطر ..

فلان : ياعمي الناس الضعيفة اللي كل يوم تلفلف وتدور ومني عارف ايش .
علان : طيب انت ايش تسوي ؟؟
فلان : ياعمي انا كل يوم مديت مع وحدة .

باللهي من جد خلاص على اساس انك انت دحين الانسااان اللي وصلت قمة
الجبل زي مايقولو
طيب وبعدين ياخي ؟؟؟؟
ايش حتستفيد ؟؟؟؟؟
طبعا الله اعلم انت ايش بتسوي في الديت <-- يقولك من ديت لديت يفرق

شوف يا اخ افتكر حاجة وحدة بس (( الله يمهل ولا يهمل ))

في النهاية كل دا حيجي على راسك والله مو سعادة ولا بسطة ولا شي ..

باللهي انت خلاص كدا راضي عن نفسك ؟؟؟؟

-------------------------------

وانتي لما كل يوم تديتي مع واحد .. ماتخافي على نفسك ؟؟ ماحتتزوجي
وتخلفي كيف حتربي عيالك ؟؟؟

في كتير من البنات ماشالله شهرة اسم كامل باللقب كمان .......

باللهي ماتنكسفي من دا
الشي .. ايش زنب ابوكي اللي مو داري عن اللي
بيصير والناس يقولو شوفوا ابو فلانة الفلاني (( ماعرف يربي بنته ))

ولا مامتك اللي كان نفسها يقولو (( شوفو اخلاق بنت فلانه كيف ماشالله
عليها ))

والله من جد حسبي الله ونعم الوكيل

------------------------------
انا اسف ازا طولت عليكم بس والله كلام كتير نفسي اوصلكم هو محد يدري
امكن الايميل هادا يكون سبب انو الله يغفرلي ولا يتوب عليااا
------------------------------
((((( الهيئة )))))

كلنا شايفين انو
الهيئة هادي طريقتهاااا غلط وناس همج ومرررة مافي
اسلوب واتيكيت

يعني تخيل انا ماشي مع اختي ويوقفوني ويبهدلوني ويقولو مين دي ؟

بس في النهاية فشلتهم وخليت وجههم في الارض
طيب ياخي طبعا اكيد لازم يسوو كدا انت امكن الوحيد اللي مسكووك وغلطو
فيك مع اختك لاكن غيرك بالميات مسكووهم مع بنات (( مررة مو اخواتهم ))
وتبغوووهم مايشكووو فينا ؟؟؟
احنا اللي خليناهم يوصلو لدي الدرجة
بالله لو مافي هيئة انتو تفكرو حنرتاااااااااااااح ؟؟؟ والله انا شخصيا
ولد زي باقي الاولاد ما اطيق اشوف هيئة قدااامي بس لو مافي هيئة
ماحرتاااح
ترا السعودية البلد الوحيدة اللي فيها ( هيئة الامر بالمعروف والنهي عن
المنكر ) ..
باللهي اسال نفسك ..
يعني احنا كدا والبلد مو بس خربت ؟؟؟
الفسااااااااد واللهي شفت اشياااء
انا ولد استحيت منهاااا
حكوون صريح معاكم ماحلف ولا حدوور ..
مواقف التحلية سنتر .. سيارة فيها ولد وبنت وياريت قاعدين ؟؟؟؟
مادري على اساس انو في البيت يعني ؟؟ مرررررة لدي الدرجة مافي حيااا
؟؟ طيب الولد وقلنا وجهه زي قفاه
البنت خلااااااص يعني مرررة مافي اخوان تخافي منهم مافي حيااا ماتنكسفي
يشوفك احد بعدها ويقووول اووووه دي البنت اللي كانت مع الولد في
السيارة

اهااااا

يعني لو مافي هيئة كان والله مو بعيد تشوف اتنين في زاوية في اي موول
وعاد انتو عارفين ايش حيصير
طبعا محد
حيقولهم تلت التلاتة كم ؟؟؟
واللهي انا صرت استحي اروح مع ماما واختي مووول من حركات الشباب
والبنات صرت اخاف لما اسمع ماما ولا اختي يقولو رايحين سوووق

باللهي كيف شعورك ومامتك تشوف دي الاشياء ولا اختك تشوف كدا ؟؟

عادي ؟؟؟ مافي غيرة ؟؟؟

وانتي لما بابتك يشوف دي الاشياء حيخليكي تخرجي من البيت ؟؟؟؟؟؟ ((
والله اقل شي يقولك لما تحتاجي شي انا اروح معاكي ))
يعني انتو اللي حتتبهدلو في النهاية ....
مو تقولو ماتبغو هيئة ؟؟؟؟

لا والله انا عن
نفسي ابغا هيئة ازا الهيئة حتحمي اخواااتي من حركات
الاولاد الغبية
يعني لو البنت راضية تاخد الرقم بادب خلاص اما بالقووووووة ؟؟؟؟ ترا
مرررررررة قلة حيا ؟؟؟
شي واحد ابغا اقوله ..
تبغوا الهيئة تخف عليكم ؟؟؟ خفوا عليهااااااااا

لو الهيئة حست انكم عقلتو والله حتلاحظو انتو اختلاف كبير (( اللي
يحترم الناس يجبر الناس انهم يحترمووه ))
وعلى فكرة ترا مرررة صار معايا موقف مع الهيئة ماحنساااه طول حياتي كنت
عند التحلية سنتر ومشغل اغاني وقاعد في السيارة ادخن

جا (( المطوع )) قالي لو سمحت ممكن توطي الصوت ؟؟؟
<--- والله احرجني
بالاسلووب

وطيت الصوت قالي انا عارف انك مستني اهلك يخرجوو <---- ماحب يقولي
مستني بنت مديت معاها تخرج ولا جاي تسوي الولد الكووول

بس ممكن توطي صوت المسجل مو عشان شي عشان لاتاخد اثم كل اللي يسمع
الصوت ، يعني خد اثم على شي انت سويته
اما هما يسمعوو والاثم عليك ليش ؟؟؟؟؟
<----- والله فكرت فيها قلت صح كلامووو واسلووبو مررا جيد

ومرررة احترمت الرجااال وقالي اتفضل هادا رقم جوالي ازا تبغى اي شي
تسال عنه او كدا لاتستحي وخلينا نسمع صوتك اتصل سلم على الاقل

يعني في ناس في الهيئة متفاهمين مع انو كان
يقدر يسوي عباطة ويقولي
تعال واركب الجيب ويسويلي هرررجة من تحت الارض
وصح في ناس اسلوبهم الله لايوريك بس احنا لانحكم عليهم كلهم بكدا

------------------------------------------------------
لله يهدينا كلنا وينور بصائرنا ويورينا طريق الحق ويبعدنا عن الشر

معليش اسف على انو الكلام مررررة مو مرتب انا مني كاتب ولا حتى معبر
جيد

انا مجرد واحد يبغا يقول كم كلمة كانت واقفة في حلقووو انشالله تستفيدو


دمتم بودكم
MeDoOo


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://jambi-group.yoo7.com
YOYO
المدير العام
المدير العام
avatar

ذكر الجدي الحصان
عدد الرسائل : 272
العمر : 27
الموقع : Makkah
العمل/الترفيه : المدير
المزاج : لحظة صمت
المهنه :
المزاج :
عدد النقاط :
100 / 100100 / 100

رقم العضوية : 1
كم مره اتزحلقتــ : 750
تاريخ التسجيل : 15/05/2008

مُساهمةموضوع: رد: ارجو من كل الاعضاء الدخوووول   الأحد أغسطس 31, 2008 12:28 pm

السلااام عليكم

والله سلمت اخووي ميدوو على الكلااام


ربي يعطيك الف عااافيه


وهذا وانت بس اتكلمت عن جده كيف لو جيت مكه البلد الحراام الي الاثم فيهاا مضاااعف


استغفر الله استغفر الله استغفر الله استغفر الله


((لاالله الا انت اني كنت من الظالمين))


تحياااتـYOYOـي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://jambi-group.yoo7.com
MeDoOo

avatar

ذكر الدلو الثعبان
عدد الرسائل : 185
العمر : 28
الموقع : ورا بيت جيراننا بالضبط
العمل/الترفيه : كل شئ
المزاج : رايق على طول
عدد النقاط :
0 / 1000 / 100

كم مره اتزحلقتــ : 100
تاريخ التسجيل : 19/05/2008

مُساهمةموضوع: رد: ارجو من كل الاعضاء الدخوووول   الإثنين سبتمبر 01, 2008 7:26 am

والله من جد

ثانكس يويو عالمرور والتفاعل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://jambi-group.yoo7.com
memeEeE
عضو متميز
عضو متميز
avatar

انثى الميزان القرد
عدد الرسائل : 237
العمر : 85
الموقع : في الغرفه _اشرب نسكافا_امممم
العمل/الترفيه : طااالبه
المزاج : اخرحلاوة
عدد النقاط :
0 / 1000 / 100

كم مره اتزحلقتــ : 100
تاريخ التسجيل : 20/05/2008

مُساهمةموضوع: رد: ارجو من كل الاعضاء الدخوووول   الخميس سبتمبر 04, 2008 2:05 am

سلامي ميدو

وصدقت اخوي يويو

والله يعطيك الخير ميدو

حقيقه هذا الموضوع اثر فيني

عشان كدا راح اقلك تاني مرة تسلم اخوي ميدو

تقبل مروري=ميمو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://jambi-group.yoo7.com/profile.forum?mode=editprofile
MeDoOo

avatar

ذكر الدلو الثعبان
عدد الرسائل : 185
العمر : 28
الموقع : ورا بيت جيراننا بالضبط
العمل/الترفيه : كل شئ
المزاج : رايق على طول
عدد النقاط :
0 / 1000 / 100

كم مره اتزحلقتــ : 100
تاريخ التسجيل : 19/05/2008

مُساهمةموضوع: رد: ارجو من كل الاعضاء الدخوووول   الجمعة سبتمبر 05, 2008 8:22 am

ثانكس ميمو عالمرور

ويسلمو عالردور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://jambi-group.yoo7.com
الرومنسية

avatar

عدد الرسائل : 71
عدد النقاط :
0 / 1000 / 100

كم مره اتزحلقتــ : 20
تاريخ التسجيل : 17/05/2008

مُساهمةموضوع: رد: ارجو من كل الاعضاء الدخوووول   الأربعاء سبتمبر 17, 2008 6:28 pm


يا خيووووووووو ميدووووو

على المضوووع الرائع

واتمنى من الجميع ان يستفيدو منه............................

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
A_بنوته حلاوه كلي شقاوه_A
عضو متميز
عضو متميز
avatar

انثى عدد الرسائل : 98
الموقع : في احلى منتدى
المزاج : اخر ونااااااسه
المهنه :
المزاج :
عدد النقاط :
100 / 100100 / 100

كم مره اتزحلقتــ : 0
تاريخ التسجيل : 01/07/2008

مُساهمةموضوع: رد: ارجو من كل الاعضاء الدخوووول   الأربعاء سبتمبر 17, 2008 10:56 pm

تسلــــــــــــــــــــتم ميدو

على الموضوع المــــهم
ويعطيك الف عافيه

صراحه انك صادق في كل كلمه قلتها

واكتر الناس زي كدا ما اقول الا الله يهديهم

مشكوووووووور


تقبل مروري

A_Bno0ot3h_A
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ارجو من كل الاعضاء الدخوووول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جـرووحـ قابــله للبووحـ ... وزحااليقـ ما تنتهيـ بالمرهـ :: زحلقنـيـ ..للـهلا والاهلن فيك معانا متزحلق..قسم ترحيـبـ للي ما استوعبــ ههههههـ :: معرضـ الحواراتـــ والمناقشاتــ-
انتقل الى: